Mahawani News - Leading Coverage Across Maharashtra

राज्य सरकारने तातडीने नुकसानग्रस्त भागातील नागरिकांना व शेतकऱ्यांना मदत पुरवावी.

महावाणी - विर पुणेकर
२१ जुलै २०२४

चंद्रपूर : मागील काही दिवसांपासून महाराष्ट्रातील अनेक जिल्ह्यांमध्ये झालेल्या अतिवृष्टीमुळे शेतकऱ्यांना मोठ्या प्रमाणावर आर्थिक नुकसान सहन करावे लागत आहे. चंद्रपूर, नाशिक, पुणे, सातारा, सोलापूर, औरंगाबाद आणि सांगली या जिल्ह्यांमध्ये अतिवृष्टीमुळे पिके पाण्याखाली गेली आहेत. परिणामी, अनेक शेतकऱ्यांच्या पिकांचे नुकसान झाले आहे आणि त्यांचे कष्ट वाया गेले आहेत.

शेतकऱ्यांनी घेतलेल्या कपास, सोयाबीन, तांदूळ, भुईमूग, इत्यादी पिकांचे मोठ्या प्रमाणात नुकसान झाले आहे. अनेक शेतकऱ्यांनी आपल्या शेतीसाठी घेतलेले कर्ज फेडणे अवघड झाले आहे. पिकांचे नुकसान झाल्यामुळे त्यांच्या उत्पन्नावर मोठा परिणाम झाला असून त्यांना आर्थिक संकटाचा सामना करावा लागत आहे.

या परिस्थितीत राज्य सरकारने तातडीने नुकसानग्रस्त भागातील शेतकऱ्यांना मदत द्यावी. कृषी विभागाने नुकसानग्रस्त शेतकऱ्यांसाठी विशेष पॅकेज जाहीर करावे. ज्यामध्ये आर्थिक मदत, कर्जमाफी, बियाणे व खते यांची विनामूल्य वितरण इत्यादींचा समावेश करावा. तसेच अतिवृष्टीमुळे राजुरा तालुक्यातील व लगतच्या शहरी, ग्रामीण भागात नागरिकांच्या घरात पाण्याच्या शिरकावणे मोठे नुकसान झाले असून, अस्या नागरिकांचे तात्काळ पंचनामे करून नुकसानग्रस्त नागरिकांना मदत पुरवावी व त्यांना अपेक्षित ती मदत करण्याची मांग माजी आमदार श्री. वामनरावजी चटप ( Former MLA Shri. Vamanraoji Chatap ) यांनी सरकार कडे केली आहे.

शेतकऱ्यांच्या मागणीवर विचार करताना, त्यांच्या कुटुंबियांसाठी तात्पुरत्या निवास व्यवस्थेची आणि अन्नधान्याच्या मदतीची मागणीही करण्यात आली आहे. शेतकरी संघटनांनी तसेच नवनियुक्त खासदार प्रतिभाताई धानोरकर ( MP Pratibhatai Dhanorkar ) यांनी सरकारकडे तातडीने मदत मिळवून देण्याची विनंती केली आहे, जेणेकरून शेतकऱ्यांना या संकटातून सावरण्यासाठी मदत होईल.

सरकारने शेतकऱ्यांचे नुकसान भरून काढण्यासाठी व त्यांना पुन्हा पिके घेण्यासाठी आवश्यक ती सर्वतोपरी मदत केल्यास शेतकऱ्यांना काहीसा दिलासा मिळण्याची अपेक्षा आहे. ( mahawani ) ( former ) ( chandrapurn )