Mahawani News - Leading Coverage Across Maharashtra & Chandrapur

पक्षाच्या नवीन कार्यालयाचे उद्घाटन

महावाणी : विर पुणेकर
१७ ऑगस्ट २०२४

बल्लारपूर: दरवर्षीप्रमाणेच, या वर्षीही आम आदमी पार्टीने बल्लारपूर शहरातील बालाजी वार्डच्या शांतीनगर भागात स्वातंत्र्यदिन मोठ्या उत्साहात साजरा केला. ध्वजारोहण सोहळा पार पडला ज्यात स्थानिक नागरिक, कार्यकर्ते, पक्षाचे पदाधिकारी आणि शहरातील प्रतिष्ठित व्यक्तींची मोठी उपस्थिती होती.

याच उत्साहात, १६ ऑगस्ट रोजी दिल्लीचे मुख्यमंत्री आणि आम आदमी पार्टीचे प्रमुख, मा. अरविंद केजरीवाल यांच्या वाढदिवसाचे औचित्य साधून, बल्लारपूर शहराच्या मध्यभागी एक नवीन पक्ष कार्यालय स्थापन करण्याचा निर्णय घेण्यात आला. जिल्हा उपाध्यक्ष प्रा. नागेश्वर गंडलेवार आणि शहराध्यक्ष रविकुमार पुप्पलवार यांच्या पुढाकाराने झाकीर हुसैन वार्डमधील एकदंत लॉनसमोर नव्या कार्यालयाचे उद्घाटन ज्येष्ठ पत्रकार वसंतराव खेडेकर यांच्या हस्ते रिबन कापून करण्यात आले.

कार्यक्रमाच्या वेळेस, फटाक्यांची आतिषबाजी आणि लहान मुलांच्या हस्ते केक कापून केजरीवाल यांचा वाढदिवस साजरा करण्यात आला. शहराध्यक्ष रविकुमार पुप्पलवार यांनी आपल्या भाषणात, "शहराच्या राजकारणाला नवीन दिशा देण्याचा आमचा निर्धार आहे. आम्ही शिक्षण, आरोग्य, आणि जनतेच्या मूलभूत समस्यांवर विशेष लक्ष केंद्रित करून काम करू," असे सांगितले.

कार्यक्रमात पक्षाचे महाराष्ट्र प्रदेश संघटनमंत्री भुषन ढाकुलकर आणि प्रदेश सचिव डॉ. शाहिद जाफरी यांनी विशेष उपस्थिती दाखवली. प्रमुख अतिथी म्हणून प्रा. डॉ. प्रकाश चौकसे, मनोहर माडेकर, अनिल वाग्दरकर, पांडुरंग जरिले, प्रा. बोंडे सर, शैलेश झाडे, नरेंद्र कोरासे, नंदकिशोर भोयर, शंकर जोगे, अरुण भेलके, शंकर काळे, वाजीद खान, आणि रूमाना शेख मॅडम या शहरातील अनेक प्रतिष्ठित व्यक्ती उपस्थित होत्या.

आम आदमी पक्षाचे जिल्हा आणि महानगर पदाधिकारी, कार्यकर्ते तसेच शहरातील नागरिकांनीही या कार्यक्रमाला हजेरी लावली, त्यामुळे कार्यक्रमात एकत्रित ऊर्जा आणि सहकार्याची भावना दिसून आली.

#IndependenceDay, #ArvindKejriwal, #AamAadmiParty, #Ballarpur, #PartyOffice, #Inauguration, #NageshwarGandlewar, #RavikumarPuppalwar, #MaharashtraPolitics, #Chandrapur, #CommunityEvent, #SocialWork, #PoliticalNews, #PartyActivities, #CitizenParticipation, #Mahawani