.png)
चंद्रपूर जिल्हाधिकारी कार्यालयासमोर निषेध प्रदर्शन
 |
| चंद्रपूरमध्ये मुस्लिम समाजाचे निषेध प्रदर्शन, धरना आंदोलनातील दृश्य |
- महावाणी : विर पुणेकर
- २८ ऑगस्ट २०२४
चंद्रपूर: रामगिरी महाराज नामक व्यक्तीने काही दिवसांपूर्वी मुस्लिम समाजाच्या श्रद्धास्थानावर अभद्र व अयोग्य वक्तव्य करून समाजाच्या भावना अत्यंत गहिरा दुखावल्या आहेत. या अनपेक्षित आणि घृणास्पद वक्तव्यानंतर संपूर्ण मुस्लिम समाजात संतापाचा उद्रेक झाला असून, जिल्हा चंद्रपूरमध्ये जोरदार प्रतिक्रिया उमटली आहे.
२७ ऑगस्ट रोजी चंद्रपूरच्या जिल्हाधिकारी कार्यालयासमोर मुस्लिम समाजाने जोरदार निषेध प्रदर्शन केले. समाजाच्या प्रतिनिधींनी जिल्हाधिकारी व जिल्हा अधीक्षकांना भेटून या प्रकरणात कठोर कारवाई करण्याची मागणी केली आहे. तक्रारीमध्ये रामगिरी महाराज यांना तत्काळ अटक करून त्यांना तुरुंगात टाकण्याची आणि त्यांच्यावर कठोर कायदेशीर कारवाई करण्याची मागणी करण्यात आली आहे.
या घटनेनंतर जिल्ह्यात तणावपूर्ण वातावरण निर्माण झाले आहे. जिल्हा प्रशासनाने शांतता राखण्यासाठी कठोर पावले उचलली असून, कायदा आणि सुव्यवस्था राखण्यासाठी पोलीस बंदोबस्त वाढवण्यात आला आहे. समाजातील सर्व घटकांनी शांततेने आणि संयमाने वागण्याचे आवाहन प्रशासनाने केले आहे.
या प्रकारामुळे जिल्ह्यातील सर्वच समुदायांमध्ये चिंता व्यक्त केली जात आहे. रामगिरी महाराज यांच्या वक्तव्यावरून निर्माण झालेल्या तणावाने समाजात तफावत आणखी गडद होण्याची शक्यता निर्माण झाली आहे, म्हणून प्रशासनाने तातडीने कारवाई करण्याचे ठरवले आहे.
जिल्हाधिकारी व जिल्हा अधीक्षकांनी तक्रारीचा सखोल तपास सुरू केला असून, पुढील काही दिवसांत रामगिरी महाराजांविरुद्ध कठोर कारवाई केली जाईल अशी शक्यता आहे. या घटनाक्रमावर सर्वांचे लक्ष लागले आहे, आणि समाजातील शांतता व सुव्यवस्था कायम राखण्यासाठी प्रशासन सज्ज आहे.
रामगिरी महाराजाने मुस्लिम समाजाच्या श्रद्धास्थानावर केलेली अभद्र टिप्पणी अत्यंत निंदनीय आहे. या घटनेने समाजातील तणाव वाढवला आहे. प्रशासनाने तातडीने योग्य कारवाई करून दोषींना कठोर शिक्षा द्यावी, आणि मुस्लिम समाजाच्या भावना जपण्याचे काम करावे. - अमान अहमद, AIMIM नेते
#RamgiriMaharaj #OffensiveRemarks #MuslimCommunity #ChandrapurProtest #MahawaniNews #JusticeDemanded #ReligiousHarmony #LawAndOrder
.png)
