Mahawani News - Leading Coverage Across Maharashtra & Chandrapur

अल्ट्राटेक सिमेंट कंपनी विरोधात कामगारांचे ठिय्या आंदोलन

महावाणी : विर पुणेकर
१५ ऑगस्ट २०२४

कोरपना : कामगारांचे श्रम हे कोणत्याही कंपनीच्या यशाचे पायाभूत खांब असते. मात्र, कोरपना तालुक्यातील आवाळपुर येथील अल्ट्राटेक सिमेंट कंपनीने २६२ कामगारांना कोणतेही ठोस कारण न देता कामावरून काढून टाकल्याने संतप्त कामगार व त्यांच्या कुटुंबीयांनी ठिय्या आंदोलनाचा मार्ग अवलंबला आहे. कामगार नेते साईनाथ बुच्चे व शिवचंद काळे यांच्या मार्गदर्शनाखाली, तसेच माजी खासदार नरेशबाबू पुगलिया ( Former MP Nareshbabu Puglia ) यांच्या नेतृत्वात आणि भाजपाचे विधानसभा निवडणुक प्रमुख तथा जिल्हा परिषदेचे माजी अध्यक्ष देवराव भोंगळे यांच्या नेतृत्वात, कामगारांनी आज सकाळी आठ वाजेपासून कंपनीच्या मुख्य प्रवेशद्वारावर ठिय्या आंदोलन सुरू केले. ( Labor leaders Sainath Buche and Shivchand Kale )

अन्यायाच्या विरोधात ठिय्या आंदोलनाची सुरुवात

आवाळपुर येथील अल्ट्राटेक सिमेंट कंपनीच्या पॅकिंग प्लांटमध्ये काम करणाऱ्या २६२ कामगारांना अचानक कामावरून काढण्यात आले, ज्यामुळे कामगार व त्यांच्या कुटुंबीयांमध्ये तीव्र असंतोष निर्माण झाला. कामगारांनी सकाळी आठ वाजल्यापासूनच मौजा नांदा नजीक असलेल्या कंपनीच्या मुख्य प्रवेशद्वारावर ठिय्या आंदोलन पुकारले आणि कंपनीकडे जाणारा मार्ग बंद केला. या आंदोलनात सहभागी कामगारांनी देवराव भोंगळे ( Devrao Bhongle ) यांच्या नेतृत्वात भक्तिमय भजनाला सुरुवात केली, ज्यामुळे आंदोलकांना अधिक ऊर्जा मिळाली.

पोलीस आणि कंपनी प्रशासनाच्या समोर आव्हान

या आंदोलनामुळे सकाळी आठ वाजेपासून सायंकाळी पाच वाजेपर्यंत कंपनीकडे जाणारी व आतमधून येणारी ट्रक वाहतूक पुर्णतः ठप्प पडली. कंपनी प्रशासनाने पोलिसांच्या माध्यमातून आंदोलकांची समजूत काढण्याचा प्रयत्न केला, परंतु कामगार आपल्या मागण्यांवर ठाम होते. आंदोलनकर्त्यांचा स्पष्ट इशारा होता की, जोपर्यंत कंपनी प्रशासन २६२ कामगारांना पुर्ववत कामावर घेत नाही, तसेच त्यांच्या मेडीकल आणि अन्य मागण्यांची पूर्तता करत नाही, तोपर्यंत हे ठिय्या आंदोलन सुरूच राहील. ( Awalpur )

भोंगळेंची मध्यस्ती आणि मुनगंटीवार यांचे आश्वासन

उद्या स्वातंत्र्य दिन ( independence day ) असल्यामुळे राष्ट्रीय सणाच्या दिवशी आंदोलन सुरू ठेवणे योग्य होणार नाही, अशी भूमिका देवराव भोंगळे यांनी घेतली. त्यांनी काल राज्याचे वनमंत्री तथा जिल्ह्याचे पालकमंत्री ना. सुधीर मुनगंटीवार ( Sudhir Mungantiwar ) यांच्याशी भ्रमणध्वनीवरून चर्चा घडवून आणली, ज्यामुळे आंदोलनकर्त्यांना थोडी शांती मिळाली. पालकमंत्री मुनगंटीवार यांनी आंदोलनकर्त्या कामगारांना स्वातंत्र्य दिनाच्या पुर्वसंध्येला शुभेच्छा देत, प्रस्थापित भांडवलदारांची मक्तेदारी खपवून घेतली जाणार नाही, आणि कामगारांच्या न्याय्य हक्कांसाठी सर्वतोपरी पाठिंबा देण्याचे आश्वासन दिले. 

पालकमंत्र्यांनी पुढील १६ तारखेला यासंदर्भात तातडीची बैठक बोलावण्याचे आश्वासन दिले, ज्यामुळे आजचे आंदोलन स्थगित करण्यात आले. या आंदोलनात जिल्हा महामंत्री विवेक बोढे, तालुकाध्यक्ष संजय मुसळे, तालुका महामंत्री सतीश उपलेंचवार, प्रमोद कोडापे, गडचांदूरचे शहराध्यक्ष अरुण डोहे, हरीश घोरे, रवी बंडीवार, निलेश ताजणे, सतिश आत्राम, अशोक झाडे, भाजयुमोचे विशाल अहिरकर, सचिन आस्वले, धर्मराज वाघमारे, निखिल भोंगळे, सुजीत ठाकुर, नितेश बेरड यांच्यासह मोठ्या संख्येने कामगार व त्यांच्या कुटुंबीयांनी सहभाग घेतला होता. ( Korpana ) 

आंदोलनानंतर, कामगारांनी १६ तारखेला होणाऱ्या बैठकीत त्यांचे हक्क आणि मागण्या मंजूर व्हाव्यात अशी अपेक्षा व्यक्त केली. अन्यथा, आंदोलन अधिक तीव्र करण्याचा इशारा देण्यात आला आहे.

#Ultratech Cement Company #Korpana #independence day #Awalpur #MaharashtraNews, #ChandrapurCrime, #GadchiroliUpdates, #MaharashtraPolice, #DistrictCouncil, #MaharashtraDistricts, #VidarbhaNews, #CrimeInMaharashtra, #MaharashtraTheft, #MaharashtraPolitics, #MaharashtraAgriculture, #GovtJobsMaharashtra, #MaharashtraEmployment, #MaharashtraWeather, #MaharashtraEducation, #MaharashtraEconomy, #MaharashtraCrime, #MaharashtraLawAndOrder, #MaharashtraTraffic, #MaharashtraHealth, #MaharashtraDevelopment, #RuralMaharashtra, #Mahawani, #MahawaniNewHub, #MahawaniNews, #MaharashtraCulture, #MaharashtraFestivals, #MaharashtraSports, #MaharashtraInfrastructure, #MaharashtraTourism, #MaharashtraUpdates, #MaharashtraGovt, #MaharashtraTechnology, #MaharashtraEnvironment, #MumbaiNews, #PuneNews, #NagpurNews, #NashikNews, #AurangabadNews, #KolhapurNews, #ThaneNews, #SolapurNews, #SataraNews, #RaigadNews, #NandedNews, #AmravatiNews, #AhmednagarNews, #JalgaonNews, #YavatmalNews, #LaturNews, #DhuleNews, #BeedNews, #JalnaNews, #BhandaraNews, #WardhaNews, #OsmanabadNews, #PalgharNews, #SindhudurgNews, #RatnagiriNews, #ParbhaniNews, #WashimNews, #GondiaNews, #HingoliNews, #AkolaNews, #BuldhanaNews, #Rajura #Mahawani