Mahawani News - Leading Coverage Across Maharashtra

जिवती तालुक्यातील कुटुंबांना दिलेली मदत अद्वितीय

परिवाराचे सांत्वन करताना भूषण फुसे

• महावाणी: विर पुणेकर

जिवती: तालुक्यातील आंबेझरी (रोडगुडा) येथे घडलेल्या दुर्दैवी घटनेने संपूर्ण तालुक्यात शोककळा पसरली आहे. निखिल बाबाराव शिंदे (वय २२) आणि अब्दुल नवाज शेख (वय २४) हे तरुण आपल्या कुटुंबाच्या उदरनिर्वाहासाठी शेळ्या मेंढ्या चराईसाठी गेले होते. रोजच्या कामांप्रमाणे, त्यांनी शेळ्यांना पाणी पिण्यासाठी तलावाजवळ आणले, पण दुर्दैवाने तेथेच त्यांच्या आयुष्यातली शेवटची घटना घडली. तलावाच्या काठावर बसलेल्या या तरुणांचा अचानक तोल गेला आणि दोगांचा तलावातील विहिरीत बुडून मृत्यू झाला. या भयंकर घटनेने गावकऱ्यांना मोठा धक्काच दिला असून दोघांच्या मृत्यूने गावात सर्वत्र हळहळ व्यक्त केली जात आहे. 

 

घटनेची माहिती मिळताच सामाजिक कार्यकर्ता भूषण फुसे तातडीने घटनास्थळी पोहोचले. त्यांनी शेख आणि शिंदे कुटुंबीयांचे सांत्वन केले आणि त्यांना मदतीचा हात दिला. भूषण फुसे हे त्यांच्या माणुसकीसाठी ओळखले जातात, आणि या दुर्दैवी प्रसंगात त्यांनी "एक हाथ मदतीचा" या संकल्पनेतून दोन्ही कुटुंबीयांना आर्थिक मदत तसेच जीवनावश्यक वस्तूंच्या संचाची मदत केली.

भूषण फुसे यांचा व्यक्तिमत्व समाजातील संवेदनशीलतेचा एक आदर्श आहे. जिवती सारख्या दुर्गम भागात, जिथे लोकांच्या समस्यांकडे दुर्लक्ष केले जाते, तिथे फुसे यांचा वावर आधार देणारा ठरतो. त्यांनी केवळ सहानुभूतीच नाही, तर वास्तविक मदतीचा हात पुढे करून या कुटुंबांच्या दुःखात सहभागी होण्याची जबाबदारी घेतली.

शिंदे कुटुंबाची स्थिती अत्यंत गंभीर आहे. निखिलच्या वडिलांचे आधीच निधन झाले आहे, आणि त्याच्या आई रंजना यांच्यावर दोन मुलींची जबाबदारी आहे. मोठी मुलगी मीना हि मतिमंद आहे, ज्यामुळे रंजना यांची स्थिती अधिक दयनीय बनली आहे. एकुलता एक मुलगा अचानक गमावल्याने रंजना व त्यांच्या मुलींचा आक्रोश ऐकून भूषण फुसे यांचेही डोळे पाणावले. त्यांच्या या संवेदनशीलतेने, त्यांनी कुटुंबासाठी अत्यंत कठीण काळात आधार देण्याचा प्रयत्न केला आहे.

अब्दुल शेख यांचं कुटुंबही आर्थिक अडचणीत आहे. भूषण फुसे यांनी तात्काळ शासनाकडे निवेदन दिले, ज्यात त्यांनी दोन्ही कुटुंबांना आर्थिक मदतीची मागणी केली. त्यांचा हा साक्षात्कार समाजातील कुटुंबांची स्थिती समजून घेण्यात व त्यांच्या आर्थीक अडचणींना कमी करण्यात महत्त्वाचा आहे.

भूषण फुसे हे केवळ एक सामाजिक कार्यकर्ता नाहीत, तर ते समाजातील अशा अडचणीच्या वेळी एक तारणहार म्हणून पुढे येतात. जिथे इतरांना फक्त सहानुभूती दाखवता येते, तिथे फुसे हे प्रत्यक्ष मदतीच्या रूपात उभे राहतात. त्यांच्या या कार्यामुळे जिवती तालुक्यातील लोकांमध्ये त्यांच्याविषयीचा आदर अधिकच वाढला आहे.

अतिदुर्गम भागात राहणाऱ्या या कुटुंबीयांची मदत करताना भूषण फुसे यांनी दाखवलेली भावना आणि त्यांचे कार्य समाजासाठी एक आदर्श आहे. त्यांच्या या धाडसी आणि माणुसकीने परिपूर्ण कार्यामुळे आज जिवती तालुक्यातील लोकांमध्ये त्यांच्याविषयी विशेष स्थान निर्माण झाले आहे.

भूषण फुसे यांनी आंबेझरी येथील शेख आणि शिंदे कुटुंबीयांसाठी केलेली मदत ही केवळ आर्थिक सहाय्य नाही, तर एक माणुसकीचा आदर्श आहे. त्यांनी दाखवलेली संवेदनशीलता व कार्य समाजासाठी प्रेरणादायी ठरले आहे. त्यांच्या मदतीमुळे आज हे कुटुंब आपल्या अडचणींवर मात करण्यासाठी आधार शोधत आहेत, आणि यामुळेच भूषण फुसे यांचे कार्य अधिकच उल्लेखनीय ठरले आहे.

#BhushanFuse #SocialWork #CommunitySupport #Humanity #JivtiTaluka #Tragedy #Empathy #LocalHeroes #FinancialAid #RescueEfforts #CommunityLeadership #CompassionInAction #HelpingHands #DisasterRelief #Inspiration #SustainableSupport #CrisisResponse #SocialActivism #JivtiNews #mahawani #बातम्या #मराठीबातम्या #mahawaninews #Jiwati