Mahawani News - Leading Coverage Across Maharashtra & Chandrapur

उपराष्ट्रपती धनखड यांच्या हस्ते राज्यभरात एकाच वेळी कार्यक्रम

संविधान मंदिराचे उद्घाटन करतानाचे दृश्य

• महावाणी : विर पुणेकर
• १६ सप्टेंबर २०२४

चंद्रपूर: भारतरत्न डॉ. बाबासाहेब आंबेडकर यांनी शिल्पबद्ध केलेली भारतीय राज्यघटना, आजही तिच्या अद्वितीय आणि सर्वसमावेशक वैशिष्ट्यांमुळे भारताचा स्तंभ म्हणून ओळखली जाते. या संविधानाचे महत्त्व नवीन पिढीपर्यंत पोहोचविण्यासाठी कौशल्य विकास विभागाने एक महत्वपूर्ण पाऊल उचलले आहे. राज्यातील सर्व औद्योगिक प्रशिक्षण संस्थांमध्ये संविधान मंदिरांची उभारणी करण्यात आली असून, उपराष्ट्रपती जगदीप धनखड यांच्या हस्ते एका अभूतपूर्व उपक्रमांतर्गत एकाच वेळी या मंदिरांचे ऑनलाइन लोकार्पण करण्यात आले. Constitution Temples

संविधान मंदिर लोकार्पणाचे अनुषंगाने चंद्रपूर कार्यक्रम: 

चंद्रपूर आणि भद्रावती येथील शासकीय औद्योगिक प्रशिक्षण संस्थांमध्येही हा विशेष सोहळा साजरा करण्यात आला. चंद्रपूरमधील कार्यक्रमाच्या अध्यक्षस्थानी संस्थेच्या प्राचार्य प्रणाली हिरामण डहाटे उपस्थित होत्या, तर प्रमुख पाहुणे म्हणून भद्रावती येथील पावरग्रिडचे चीफ जनरल मॅनेजर रजनीश तिवारी, डेप्युटी जनरल मॅनेजर चेतन मेंढे, आयएमसी सदस्य दिलीप राम, माजी जिल्हा परिषद सभापती श्री. वानखडे, संविधान तज्ञ ऍड. भूपेंद्र रायपुरे आणि सामाजिक कार्यकर्ते राहुल सोनटक्के यांनी हजेरी लावली.

कार्यक्रमाची सुरुवात भारतरत्न डॉ. बाबासाहेब आंबेडकर यांच्या प्रतिमेस माल्यार्पण आणि दीपप्रज्वलनाने झाली. संस्थेच्या बेसिक कॉस्मेटोलॉजी विभागातील विद्यार्थिनींनी स्वागतगीत सादर करून उपस्थितांचे स्वागत केले. कार्यक्रमाचे प्रास्ताविक भंडारपाल वैशाली रणदिवे यांनी केले तर आभार प्रदर्शन पूनवटकर मॅडम यांनी मानले. Constitution Temples

विशेष आकर्षण:

संविधान मंदिर ही एक शैक्षणिक आणि सांस्कृतिक संरचना असून, विद्यार्थ्यांना भारतीय राज्यघटनेचा सखोल अभ्यास करण्याची संधी देईल. यामध्ये राज्यघटनेचे महत्त्व, त्यातील मुल्ये, आणि डॉ. बाबासाहेब आंबेडकर यांच्या विचारांवर आधारित अभ्यासक्रमाचा समावेश असेल.

राज्यातील सर्व औद्योगिक प्रशिक्षण संस्थांमध्ये या प्रकारचे संविधान मंदिर उभारण्याचे ध्येय कौतुकास्पद आहे. संविधानाचे विचार, मुल्ये, आणि भारतीय नागरिकांच्या कर्तव्यांची जाणीव या माध्यमातून विद्यार्थ्यांपर्यंत पोहोचेल. भविष्यात या उपक्रमामुळे नवीन पिढीच्या वैचारिक आणि सामाजिक प्रगतीत मोठा हातभार लागेल. Constitution Temples

भारतीय संविधानाचे आदर्श आणि विचार नवीन पिढीपर्यंत पोहोचविण्याच्या उद्देशाने उभारण्यात आलेले संविधान मंदिर हा एक प्रेरणादायक उपक्रम आहे. या उपक्रमामुळे विद्यार्थ्यांना संविधानाचा आदर आणि अभ्यास करण्याची प्रेरणा मिळेल. राज्यघटनेबाबत जनजागृतीसाठी कौशल्य विकास विभागाने घेतलेले हे पाऊल भारताच्या उद्याच्या नागरिकांसाठी मार्गदर्शक ठरेल.

#ConstitutionTemples #औद्योगिकप्रशिक्षणसंस्था #DrBabasahebAmbedkar #IndianConstitution #संविधानमंदिर #ChandrapurNews #भद्रावती #SkillDevelopment #संविधानजागृती #प्रशिक्षणार्थी #उद्घाटनसमारंभ #शिल्पकारआंबेडकर #भारतरत्नआंबेडकर #आयएमसी #DalitSocialMovement #BabasahebAmbedkarThoughts #संविधानउद्घाटन #IndustrialTrainingInstitutes #ConstitutionAwareness #SkillIndia #IndianDemocracy #आंबेडकरवाद #SocialJustice #DalitEmpowerment #संविधानवाचन #ITIDigitalInauguration #MahawaniNews #MarathiNews #बातम्या #ConstitutionInauguration #Mahawani