Mahawani News - Leading Coverage Across Maharashtra

बिबट्याच्या हल्ल्यात ७ वर्षीय मुलाचा दुर्दैवी मृत्यू, बिबट्याच्या वाढत्या हल्ल्यांनी ग्रामस्थांत भीती

संग्रहित छायाचित्र

• महावाणी: संजयकुमार शिंदे

चंद्रपूर: जिल्ह्यातील न्यू सीनाळा गावात आज २१ सप्टेंबर रोजी संध्याकाळी घडलेली दुर्दैवी घटना संपूर्ण जिल्ह्यात हृदयाला चटका लावणारी ठरली आहे. ७ वर्षीय भावेश तुराणकर, पहिल्या वर्गात शिकणारा निरागस मुलगा, बिबट्याच्या हल्ल्यात मृत्यू पावला. बिबट्याने भावेशला त्याच्या घराजवळून उचलून जंगलात नेले, जिथे त्याच्यावर हल्ला चढवला त्याचा मृत्यू झाला. गावात भीती आणि संतापाचं वातावरण पसरलं आहे, तर भावेशच्या कुटुंबीयांचा आक्रोश संपूर्ण गावाला हेलावून टाकणारा ठरला आहे.

२१ सप्टेंबर रोजी संध्याकाळी ५:३० वाजता भावेश आपल्या घराच्या शेजारी शौचास गेला होता. काम आटोपून परत येत असताना अचानक बिबट्याने त्याच्यावर हल्ला केला आणि त्याला जंगलात ओढून नेले. घरच्यांनी आणि गावकऱ्यांनी शोध घेतला, पण अंधार पडल्याने काहीही शोध लागला नाही. अखेर, दुसऱ्या दिवशी शनिवारी सकाळी भावेशचा छिन्नविछिन्न मृतदेह सीनाळा परिसरातील जंगलात सापडला. त्याचं शरीर विद्रूप झालं होतं, आणि त्याचे काही भाग गायब होते. या हृदयद्रावक दृश्याने कुटुंबीयांचा आक्रोश अनावर झाला.

भावेशचे पालक, आपल्या एकुलत्या एक मुलाला अशा भयानक अवस्थेत पाहून अक्षरशः कोसळले. आई-वडिलांच्या डोळ्यांतून वाहणारे अश्रू संपूर्ण गावाला दुखावणारे होते. एकत्र आलेल्या ग्रामस्थांनी ही घटना पाहून आपले डोळे पाणावले आणि ग्रामस्थांत तीव्र संताप पसरला आहे.

गेल्या काही वर्षांत चंद्रपूर जिल्ह्यातील बिबट्यांच्या हल्ल्यांमध्ये वाढ झाली आहे. विशेषत: न्यू सीनाळा आणि दुर्गापूर परिसरात या प्रकारच्या घटनांनी नागरिकांच्या मनात भीतीचं वातावरण निर्माण झालं आहे. ताडोबा जंगलाजवळील हा भाग वन्य प्राण्यांच्या हल्ल्यांना नेहमीच सामोरा जातो, मात्र लहान मुलं या हल्ल्यांचे मुख्य बळी ठरत असल्याने ग्रामस्थांचा संताप अधिकच वाढला आहे.

अधिक वाचा: Leopard Captured Successfully | चंद्रपूरमध्ये बिबट्या पकडण्यात यश

मागील तीन वर्षांत या परिसरात बिबट्यांच्या हल्ल्यांमध्ये १४ लोकांचा मृत्यू झाला आहे, त्यातील चार प्रकरणं लहान मुलांवर झालेली आहेत. वन विभागाकडून अद्याप ठोस उपाययोजना न केल्यामुळे लोकांमध्ये रोष निर्माण झाला आहे. भावेश तुराणकरच्या मृत्यूनंतर गावकऱ्यांनी वन विभागाकडे त्वरित उपाययोजना करण्याची मागणी केली आहे.

भावेशच्या पालकांनी मुलाच्या अचानक मृत्यूने पाशवी हाल पाहिले आहेत. बिबट्याच्या सततच्या हल्ल्यांमुळे या कुटुंबावर कोसळलेलं संकट काही शब्दात सांगता येणं कठीण आहे. कुटुंबियांसाठी हा अपार दुःखाचा डोंगर असून, या परिस्थितीत त्यांच्या जीवनावरची सर्वच आशा कोसळून पडली आहे. 

गावकऱ्यांनी प्रशासनाकडे तातडीने हस्तक्षेप करण्याची आणि बिबट्याचा बंदोबस्त करण्याची मागणी केली आहे. याशिवाय, सरकारने मृतकाच्या कुटुंबाला आर्थिक मदत देण्याची विनंती देखील केली आहे. वन विभागाने या घटनांवर तातडीने उपाययोजना केल्याशिवाय भविष्यात अजून बळी जाण्याची भीती गावकऱ्यांना सतावते आहे. Leopard Attack Chandrapur

भावेश तुराणकरच्या मृत्यूनंतर न्यू सीनाळा गावात भीती आणि शोकाचं वातावरण आहे. ग्रामस्थांनी वन विभागाकडून तातडीने बिबट्यांना पकडण्यासाठी विशेष मोहीम राबवण्याची मागणी केली आहे. प्रशासनाने त्वरित उपाययोजना न केल्यास ग्रामस्थांच्या संतापाला सामोरे जाणे प्रशासनासाठी आव्हान ठरू शकते. या घटनेने वन्यजीव संरक्षण आणि मानवी जीवन यांच्यात समतोल साधण्याची गरज अधोरेखित केली आहे.

#ChandrapurNews #LeopardAttack #BhaveshTuranakar #WildlifeConflict #SinanalaVillage #TadobaLeopard #ForestDepartment #TragicDeath #HumanWildlifeConflict #ChildDeath #LeopardDanger #MaharashtraNews #VillagersInFear #ChandrapurDistrict #TadobaTigerReserve #WildlifeThreat #VillageSafety #LeopardAttacksMaharashtra #LeopardTragedy #SaveVillagers