Mahawani News - Leading Coverage Across Maharashtra & Chandrapur

सुदर्शन निमकर यांच्या वाढदिवसाच्या निमित्ताने भव्य रॅली, हजारोंचा सहभाग

सुदर्शन निमकर यांची राजुऱ्यात भव्य रॅली 

• महावाणी: विर पुणेकर
• ०७ सप्टेंबर २०२४

राजुरा:  येथे ०५ सप्टेंबर रोजी माजी आमदार सुदर्शन निमकर यांच्या वाढदिवसानिमित्त आयोजित शेतकरी आणि महिला मेळावा आणि त्यानंतर काढण्यात आलेली रॅली अतिशय भव्य आणि लक्षवेधी ठरली आहे. या मेळाव्यात हजारो नागरिकांनी उस्फूर्त सहभाग नोंदवला, ज्यात शेतकरी आणि महिलांची उपस्थिती विशेष उल्लेखनीय होती. कार्यक्रमाची सुरुवात भवानी मंदिरात आरती करून झाली आणि त्यानंतर शहरात भव्य रॅली काढण्यात आली. ही रॅली इतकी मोठी होती की तिचे एक टोक नाका नंबर ३ वर होते तर दुसरे टोक नेहरू चौकापर्यंत पसरले होते. सध्या शेतीचा हंगाम सुरू असूनसुद्धा शेतकरी आणि महिलांची मोठ्या संख्येने उपस्थिती राजकीय वर्तुळात खळबळ माजवणारी ठरली. Political Rally

रॅली आणि मेळाव्याच्या उद्घाटनासाठी तेलंगणा राज्यातील शिरपूरचे आमदार डॉ. पालवाई हरिशबाबु उपस्थित होते. माजी आमदार ऍड. संजय धोटे हे कार्यक्रमाचे अध्यक्ष होते, तर प्रमुख पाहुणे म्हणून राज्य कृषी मूल्य आयोगाचे अध्यक्ष पाशा पटेल, आमदार किशोर जोरगेवार, बंजारा समाजाचे दिशागुरू कर्मयोगी संत प्रेमसिंग महाराज, भाजप जिल्हाध्यक्ष हरीश शर्मा आणि गडचिरोली जिल्हा बँकेचे माजी अध्यक्ष अरविंद पोरेड्डीवर उपस्थित होते. याशिवाय महिला मोर्चाच्या प्रदेश महामंत्री अल्काताई आत्राम, विद्या देवाळकर, राजगोंडवणा गड संरक्षण समितीचे संस्थापक किसनराव कोटनाके, माजी जिल्हा परिषद अध्यक्ष देवराव भोंगळे, आरपीआयचे विदर्भ उपाध्यक्ष सिध्दार्थ पथाडे आणि बाजार समितीचे माजी सभापती सय्यद आबिद अली यांच्यासह अनेक मान्यवर मंचावर विराजमान होते.

या रॅलीतील जनतेचा सहभाग आणि त्यांच्या उत्स्फूर्ततेने अनेक राजकीय नेत्यांना धडकी भरली आहे. ऐन निवडणुकांच्या तोंडावर निमकर यांनी या भव्य शक्तिप्रदर्शनातून राजकीय वातावरणात मोठी हलचल निर्माण केली आहे. निमकर यांच्या नेतृत्वाखाली काढण्यात आलेल्या या रॅलीने स्थानिक राजकारणात एक नवा अध्याय सुरू केला आहे. शेतकरी आणि महिलांच्या उपस्थितीने विरोधी पक्षांसाठी आव्हान निर्माण केले आहे. यामुळे आगामी निवडणुकांत निमकर यांची स्थिती अधिक बळकट होऊ शकते, असे जाणकारांचे मत आहे. 

कार्यक्रमात पाशा पटेल यांनी निसर्गाचा समतोल राखण्यासाठी वृक्ष लागवड करण्याचे महत्त्व अधोरेखित केले. त्यांनी हवेतील वाढणारे कार्बनडाय ऑक्साइडचे प्रमाण आणि त्याचा मानवी आरोग्यावर होणारा परिणाम यावर प्रकाश टाकला. त्यांनी सांगितले की, या भागातील जमीन बांबू शेतीसाठी अत्यंत पूरक आहे आणि या शेतीतून महिलांना आर्थिक समृद्धी प्राप्त होऊ शकते. अल्काताई आत्राम यांनी शासनाच्या विविध योजनांची माहिती उपस्थित महिलांना दिली आणि त्यांना त्या योजनांचा फायदा कसा मिळवता येईल, याचे मार्गदर्शन केले. Political Rally

माजी आमदार सुदर्शन निमकर हे या भव्य कार्यक्रमात जनतेच्या प्रतिसादाने भावूक झाले होते. शेतकरी आणि महिलांच्या उत्स्फूर्त सहभागाने प्रभावित होऊन त्यांनी आपल्या भाषणात सांगितले की, सध्या शेतीचा हंगाम सुरू असतानाही जनतेने दाखवलेले प्रेम आणि आपुलकी ही त्यांच्या राजकीय कारकिर्दीतील मोठी शक्ती आहे. त्यांनी आवाहन केले की भविष्यातही जनतेने त्यांना अशीच साथ द्यावी आणि एकत्रितपणे प्रगतीच्या मार्गावर वाटचाल करावी.

अधिक वाचा:

मेळाव्याचे प्रास्ताविक आयोजन समितीचे अध्यक्ष केशवराव ठाकरे यांनी केले, तर कार्यक्रमाचे संचालन प्रदीप बोबडे आणि प्रद्या नागपुरे यांनी केले. कार्यक्रमाच्या शेवटी श्रीकृष्ण गोरे यांनी आभार मानले.

या मेळाव्याला कोरपना, गोंडपिपरी, जिवती आणि राजुरा तालुक्यातून मोठ्या संख्येने नागरिकांनी हजेरी लावली होती. विशेष म्हणजे जिवती या दुर्गम भागातूनही महिलांची उपस्थिती लक्षणीय होती. रॅलीमधील लोकांचा सहभाग इतका प्रचंड होता की, अनेकांच्या भुवया उंचावल्या गेल्या आणि विरोधकांमध्ये भीतीचे वातावरण पसरले आहे.

#Mahawani #MahawaniNews #MahawaniNewsHub #MarathiNews #PoliticalRally #SudarshanNimkar #RajuraRally #FarmersGathering #WomenEmpowerment #BJPLeader #MaharashtraPolitics #RajuraNews #Election2024 #PowerShow #ShaktiPradarshan #FarmersAndWomenSupport #PoliticalEvent #PashaPatel #HarishSharma #TelanganaMLA #NimkarRally #VidarbhaNews #RajuraUpdates #WomenInPolitics #AgricultureDevelopment #BambooFarming #Leadership