Mahawani News - Leading Coverage Across Maharashtra

महिलांच्या सन्मानासाठी ठोस पाऊल: भिम शक्ती संघटनेचा प्रस्ताव

सार्वजनिक बांधकाम विश्रामगृह, चंद्रपूर येथील बैठकीतील छायाचित्र

• महावाणी : विर पुणेकर

चंद्रपूर: जिल्ह्यातील सहा विधानसभा मतदारसंघांपैकी किमान दोन मतदारसंघ महिलांना देऊन 50% आरक्षणाचा नियम काटेकोरपणे पाळावा, अशी मागणी भीम शक्ती संघटनेने ठामपणे पुढे आणली आहे. या मागणीला बळ देण्यासाठी राज्यसभा खासदार आणि संघटनेचे संस्थापक नेते चंद्रकांत हांडोरे यांना अधिकृत निवेदन देण्यात आले. संघटनेच्या महत्त्वपूर्ण बैठकीत सर्वसंमतीने हा प्रस्ताव पारित झाला असल्याची माहिती जिल्हाध्यक्ष कुणाल गायकवाड यांनी दिली. Women Assembly Seats

महिलांना राजकारणात 50% आरक्षण असले तरी प्रत्यक्ष उमेदवारी देताना त्यांची संधी खूपच मर्यादित राहते. चंद्रपूर जिल्ह्यात मागील कार्यकाळात दिवंगत बाळू धानोरकर यांच्या जिद्दीमुळे त्यांच्या पत्नी आमदार आणि नंतर खासदार झाल्या. मात्र सध्या जिल्ह्यातील सहा विधानसभांमध्ये एकाही महिलेला संधी मिळालेली नाही. आगामी निवडणुकीतही पुरुषांचेच वर्चस्व दिसत आहे. कोणताही पक्ष महिलांना प्राधान्य देण्यास तयार नाही. भीम शक्ती संघटनेच्या बैठकीत या मुद्द्यावर सखोल चर्चा झाली.

कुणाल गायकवाड यांनी महिलांसाठी विधानसभा स्तरावर आरक्षणाची गरज स्पष्ट केली. “संपूर्ण देशभरात महिलांना सन्मान देण्याचा संकल्प आहे, मात्र प्रत्यक्षात मात्र महिलांना निवडणुकीत योग्य स्थान दिले जात नाही. चंद्रपूर जिल्ह्यातील 6 विधानसभांपैकी निदान दोन जागा तरी महिलांना द्याव्यात, असा आमचा ठाम प्रस्ताव आहे,” असे ते म्हणाले. Women Assembly Seats

या महत्त्वाच्या बैठकीचे अध्यक्षस्थान कुणाल गायकवाड यांनी भूषवले, तर महिला विदर्भ प्रदेशाध्यक्ष अपेक्षा पिंपळे यांच्या नेतृत्वाखाली ही चर्चा झाली. भीम शक्ती संघटनेच्या या ठाम मागणीचे समर्थन करत, खासदार चंद्रकांत हांडोरे यांनी हा मुद्दा काँग्रेस पक्षाच्या वरिष्ठ नेत्यांपर्यंत पोहोचवण्याचे आश्वासन दिले.

असे ठोस निर्णय महिला सन्मान आणि त्यांचे राजकीय प्रतिनिधित्व वाढवण्यासाठी अत्यावश्यक आहेत. भीम शक्ती संघटनेच्या या प्रस्तावामुळे महिलांना राजकीय संधी देण्यासाठी एक नवी चळवळ उभारण्याचा इरादा व्यक्त झाला आहे.

ही बैठक चंद्रपूर सार्वजनिक बांधकाम विश्रामगृह येथे पार पडली. समारोपाचे भाषण प्रेम लाल मानकर यांनी केले. यावेळी अलका जगजाहान, वर्षा वाघाडे, रमा मेश्राम, वंदना गेडाम यांच्यासह अनेक मान्यवर उपस्थित होते. Women Assembly Seats

भीम शक्ती संघटनेने चंद्रपूर जिल्ह्यातील दोन विधानसभा मतदारसंघ महिलांना द्यावेत, अशी ठाम मागणी केली आहे. हा प्रस्ताव महिलांना सन्मान आणि राजकीय प्रतिनिधित्व देण्यासाठी एक महत्त्वपूर्ण पाऊल ठरणार आहे.

#भीमशक्तीसंघटना #महिला50%आरक्षण #महिलाआरक्षण #चंद्रपूरविधानसभा #राजकीयआरक्षण #राजकारण #महिलासशक्तीकरण #भीमशक्ती #महिलांच्याअधिकार #विधानसभा2024 #महिलांचीउमेदवारी #चंद्रकांतहांडोरे #कुणालगायकवाड #महिलाआधिकार #मराठीबातम्या #mahavani #maharashtrapolitics #womenempowerment #womensreservation #bhimshaktisanghatana #chandrapurelections #assemblyelections #womeninpolitics #congresswomen #vidarbhawomenleadership #विधानसभानिवडणुका #महाराष्ट्रराजकारण #संघटनासक्ती #महिलांचेप्रस्ताव #राजकीयनेते #भविष्यातीलनेते #newsupdates #मराठीसमाचार