.png)
चंद्रपूर तालुक्यातील वनहक्कांचे संरक्षण आणि संवर्धनासाठी एकदिवसीय कार्यशाळा यशस्वीरीत्या संपन्न
 |
| सिंदेवाही येथील सामूहिक वनहक्क कार्यशाळा |
चंद्रपूर: आदिवासी विकास विभागाच्या जिल्हा एकात्मिक आदिवासी विकास प्रकल्प कार्यालयाच्या अंतर्गत पंचायत समिती सिंदेवाही येथे ८ ऑक्टोबर २०२४ रोजी सामूहिक वनहक्क संवर्धन आणि व्यवस्थापन आराखड्यावर तालुकास्तरीय कार्यशाळा पार पडली. एफ.ई.एस. संस्थेच्या प्रतिनिधींच्या प्रमुख मार्गदर्शनात झालेल्या या कार्यशाळेत कृती आराखड्याचे महत्त्व, वनहक्कांचा संरक्षण आराखडा तयार करण्याची प्रक्रिया, आणि गस्ती पथक तयार करण्यासंबंधी सखोल माहिती देण्यात आली. Community forest rights
कार्यशाळेत शिवार फेरी, सीमांकन, आणि अंतिम नकाशा तयार करण्यासाठीच्या कृतींचा आढावा घेण्यात आला. सीएफआरएमसीच्या बँक खात्याचे उघडणे, गस्ती पथक नेमणे, ग्रामस्थांची नियमावली तयार करणे, आणि पारंपरिक वनहक्क संवर्धनाच्या दृष्टिकोनातून नजरी नकाशा तयार करणे यावर देखील विशेष भर देण्यात आला. याशिवाय, गौण वनउपज, फळबागा, वनऔषधी, मासेमारी, आणि तलाव खोलीकरण यासारख्या योजनांवर चर्चा झाली.
कार्यशाळेत वन परिषद अधिकारी वी. आर. सलवार, नायब तहसीलदार एस. तुमराम, तालुका कृषी अधिकारी एस. आर. महाले, व्ही. बी. सुरपाम (पंचायत समिती सिंदेवाही), जलसंधारण अधिकारी करण तोगट्टीवार आणि हरेश कुंबरे आदी अधिकारी उपस्थित होते. एफ.ई.एस. आणि टाटा सामाजिक संस्थेच्या प्रतिनिधींनी या कार्यशाळेचे आयोजन केले. वनरक्षक, वनपाल, तलाठी, ग्रामसेवक आणि सीएफआरएमसीचे सदस्य या कार्यशाळेत सहभागी झाले.
ही कार्यशाळा ग्रामसभांना त्यांच्या वनहक्कांच्या संरक्षणासाठी आवश्यक मार्गदर्शन देण्यासाठी अत्यंत महत्त्वाची ठरली आहे. आदिवासी आणि ग्रामीण भागातील वनउपजाचे जतन करण्याच्या दृष्टीने ही कार्यशाळा एक महत्वपूर्ण पाऊल आहे.
सामूहिक वनहक्क आणि संवर्धनाच्या दृष्टीने तालुकास्तरीय कार्यशाळा ग्रामीण समुदायांसाठी दिशादर्शक ठरणार आहे. संबंधित विभागांनी योग्य समन्वय साधल्यास या कार्यशाळेचे फलित ग्रामसभांना भविष्यात उपयुक्त ठरेल. Community forest rights
#Mahawani #veerpunekar #Chandrapur #rajura #korpana #MahawaniNews #ForestRights #ForestConservation #SustainableDevelopment #CommunityRights #CFRManagement #TribalDevelopment #Sindewahi #TalukaWorkshop #FESFoundation #RuralDevelopment #ForestManagement #NaturalResources #EcoFriendlyInitiatives #GreenProjects #ChandrapurDistrict #ForestProtection #SustainableForestry #EnvironmentalAwareness #ForestRightsAct #TribalEmpowerment #GovernmentPrograms #AgricultureDevelopment #WaterConservation #EcologicalBalance #BiodiversityProtection #EnvironmentalConservation #AdiwasiDevelopment #GramSabha #MaharashtraNews #MarathiNews #मराठीबातम्या #महावाणी #MahawaniUpdates #AdiwasiCommunity #वनहक्क #वनसंवर्धन #ChandrapurEvents #GovernmentSchemes #वनसंपत्ती #वनउपज #SustainableGrowth #ForestEconomy #EmpoweringTribes #AdiwasiRights
.png)
