Mahawani News - Leading Coverage Across Maharashtra

स्थानिक गुन्हे शाखेची कार्यवाही, गुन्हेगार रोहीत बोगावार अटकेत

गुन्हेगारास हत्यारासह अटक करताना

चंद्रपूर : नवरात्रौत्सवाचा सण सुरक्षित आणि भयमुक्त वातावरणात साजरा व्हावा यासाठी चंद्रपूर जिल्ह्यात पोलीस प्रशासन सतर्क झाले आहे. स्थानिक गुन्हे शाखेच्या पथकाने चंद्रपूर जिल्ह्याच्या पोलीस अधीक्षक मा. श्री. मुम्मका सुदर्शन यांच्या निर्देशानुसार बल्लारपूर पोलीस ठाण्याच्या हद्दीत रेकॉर्डवरील गुन्हेगारांविरुद्ध विशेष कारवाईची मोहीम हाती घेतली आहे. Illegal Weapon Seized

यावेळी, पोलीस पथकाला मिळालेल्या गोपनीय माहितीनुसार आंबेडकर वॉर्ड, बल्लारपूर येथील रेकॉर्डवरील गुन्हेगार रोहित उर्फ चिन्ना नरसिंग बोगावार (२७) आपल्या घरी लोखंडी धारदार तलवार बाळगून लोकांमध्ये दहशत निर्माण करण्याच्या उद्देशाने हालचाली करत होता. स्थानीक गुन्हे शाखेच्या पथकाने तात्काळ कारवाई करून रोहित बोगावारच्या घराची झडती घेतली असता, त्याच्या ताब्यातून एक लोखंडी धारदार तलवार जप्त करण्यात आली.

रोहित उर्फ चिन्ना नरसिंग बोगावार विरुद्ध पोलीस ठाणे बल्लारपूर येथे भारतीय हत्यार कायदा अन्वये अप. क्र. ९४४/२४ कलम ४, २५ अंतर्गत गुन्हा नोंदविण्यात आला आहे. ही कारवाई स्थानिक गुन्हे शाखेच्या सतर्कतेमुळे शक्य झाली असून, या घटनेमुळे बल्लारपूर परिसरात कायदा व सुव्यवस्था अबाधित ठेवण्याच्या दिशेने मोठे पाऊल उचलले गेले आहे.

उपरोक्त कारवाई मा. पोलीस अधीक्षक श्री. मुम्मका सुदर्शन आणि अपर पोलीस अधीक्षक श्रीमती रिना जनबंधु यांच्या मार्गदर्शनाखाली झाली. पोलीस निरीक्षक महेश कोंडावार यांच्या नेतृत्वात सपोनि दीपक कांक्रेडवार, पोहवा धनराज करकाडे, अजय बागेसर, पोअं प्रशांत नागोसे, प्रमोद कोटनाके, प्रसाद धुळगंडे आणि चापोहवा दिनेश अराडे यांनी यशस्वीरित्या ही कारवाई केली आहे.

या कारवाईमुळे नवरात्रौत्सवाच्या पार्श्वभूमीवर चंद्रपूर जिल्ह्यातील नागरिकांमध्ये पोलीस प्रशासनाबद्दलचा विश्वास आणखी दृढ झाला आहे. कायदा व सुव्यवस्थेची अबाधितता सुनिश्चित करण्यासाठी पोलीस प्रशासनाने घेतलेली ही पावले महत्त्वपूर्ण ठरली आहेत.

नवरात्रौत्सवाच्या काळात भयमुक्त वातावरणात सण साजरा व्हावा म्हणून पोलीस प्रशासनाची सतर्कता आवश्यक आहे. रोहित बोगावारसारख्या गुन्हेगारांविरुद्ध उचललेल्या कठोर पावलांमुळे चंद्रपूर जिल्ह्यात कायदा व सुव्यवस्था अबाधित राहील, असा विश्वास व्यक्त केला जात आहे. Illegal Weapon Seized

बल्लारपूर परिसरात नागरिकांनी शांतीपूर्ण वातावरणात सण साजरा करण्यासाठी पोलिसांच्या सूचनांचे पालन करावे आणि कोणतीही संशयास्पद हालचाल आढळल्यास तातडीने पोलीस स्टेशनशी संपर्क साधावा, श्री. सुनील गाडे, पोलीस निरीक्षक, बल्लारपूर, पोलीस स्टेशन

#ChandrapurCrimeBranch #BallarpurPolice #RohitBogawar #IllegalWeaponSeized #NavratriSecurity #ChandrapurNews #MahawaniNews #veerpunekar #Chandrapur #rajura #korpana #MahawaniNews #IllegalWeaponSeized