Mahawani News - Leading Coverage Across Maharashtra

गर्व से काहो हम ओबीसी है; ओबीसी जण जागृती अभियान

जनजागृती करताना ओबीसी योद्धा भूषण फुसे

कोरपना: तालुक्यात ओबीसी योद्धा श्री. भूषण फुसे यांच्या माध्यमातून "गर्व से काहो हम ओबीसी है" या घोषवाक्याखाली ओबीसी, व्हीजेएनटी, एसबीसी जनजागृती अभियान राबविण्यात येत असून ओबीसी योद्धा श्री. भूषण फुसे हे जनजागृती यात्रेतून ओबीसी समुदायाला विश्वरत्न डॉ. बाबासाहेब आंबेडकर यांच्या उपकाराची जाणीव करून देण्याचे काम करत आहे. या अभियानाचे मुख्य उद्दिष्ट ओबीसींच्या जातिनिहाय जनगणनेची मागणी आणि या माध्यमातून ओबीसी समाजाच्या न्याय आणि हक्कांसाठी जागृती निर्माण करणे आहे. OBC Census

राजुरा विधानसभा स्तरावर "ओबीसी जनजागृती यात्रा" ०३ ऑक्टोबर रोजी आयोजित करण्यात आली आहे. काल ओबीसी जनजागृती यात्रा रथाने संपूर्ण गडचांदूर क्षेत्रात जनजागृती केली व आज कोरपना आणि ८ ऑक्टोबर रोजी राजुरा येथे पंचायत चौकातील विश्वरत्न डॉ. बाबासाहेब आंबेडकर यांच्या पुतळ्याला अभिवादन करून यात्रेची समाप्ती होणार आहे. या अगोदरही गोंडपिपरी तालुक्यात "ओबीसी जनजागृती यात्रा" रथाने जनजागृती केली होती ज्यामध्ये मोठ्या संख्येने ओबीसी समाजातील नागरिकांनी भाग घेतला होता तसेच कोरपना तालुक्यात सुरु असलेल्या ओबीसी जनजागृती यात्राला लोकांचा भरघोस प्रतिसाद मिळत आहे. या यात्रेच्या माध्यमातून स्वातंत्र्यपूर्व ब्रिटिश काळात १८८१ ते १९३१ पर्यंत झालेल्या जातिनिहाय जनगणनेचा मुद्दा उपस्थित केला गेला. स्वातंत्र्यानंतर आजपर्यंत, म्हणजे मागील ९० वर्षांत ओबीसींसाठी स्वतंत्र जातिनिहाय जनगणना करण्यात आली नाही, आणि यामुळे ओबीसी समाजावर अन्याय झाल्याचे संयोजक आणि ओबीसी योद्धा भूषण फुसे यांनी सांगितले.

ओबीसींची जातिनिहाय जनगणना होणे का गरजेचे आहे, यावर बोलताना भूषण फुसे म्हणाले, "जातिनिहाय जनगणनेच्या अभावामुळे ओबीसी समाजाच्या आर्थिक, शैक्षणिक आणि सामाजिक स्थितीची खरी माहिती शासनाकडे नाही. यामुळे ओबीसी समाजाला त्यांच्या हक्काच्या सुविधा आणि लाभ मिळत नाहीत." त्यांनी पुढे असेही नमूद केले की, सध्या भारत सरकारच्या ८९ सचिवांमध्ये फक्त २-३ ओबीसी सचिव आहेत, आणि केंद्रीय विद्यापीठांमध्ये देखील ओबीसी प्राध्यापकांची संख्या अत्यंत कमी आहे. हे चित्र ओबीसी समाजावरच्या अन्यायाचे आणि दुर्लक्षाचे स्पष्ट उदाहरण आहे.

 

भारत सरकारच्या गृह विभागाच्या जनगणना आयुक्त कार्यालयामार्फत दर १० वर्षांनी जनगणना केली जाते, परंतु त्यामध्ये अनुसूचित जाती आणि अनुसूचित जमाती यांचीच जातिनिहाय जनगणना होते. यामुळे ओबीसी समाजाच्या विकासासाठी आवश्यक असणारा डेटा उपलब्ध नाही, ज्यामुळे ओबीसींवरील अन्याय कायम होत आहे.

जातिनिहाय जनगणनेचे फायदे:

जातिनिहाय जनगणनेमुळे ओबीसी समाजाची खरी लोकसंख्या कळेल, तसेच त्यांच्या शैक्षणिक, सामाजिक आणि आर्थिक स्थितीचा आढावा घेता येईल. यामुळे सरकारला ओबीसी समाजाच्या विकासासाठी धोरण ठरवता येईल. याशिवाय, एससी आणि एसटी समाजातील विद्यार्थ्यांसारखी ओबीसी विद्यार्थ्यांना देखील शिष्यवृत्ती मिळेल. तसेच, केंद्र सरकारच्या आणि राज्य सरकारच्या अर्थसंकल्पात ओबीसी समाजासाठी आवश्यक ती तरतूद करणे अनिवार्य होईल.

जर ओबीसींची जनगणना झाली तर शेतीसाठी आवश्यक साधनसामुग्री ओबीसी शेतकऱ्यांना जवळपास मोफत मिळेल. याशिवाय, जनगणनेनंतर ओबीसींना पदोन्नतीमध्ये आरक्षण, नॉन क्रिमीलेअरची अट रद्द होणे आणि विधानसभा तसेच लोकसभेत प्रतिनिधित्व मिळण्याचे मार्ग मोकळे होतील.

यात्रेच्या आयोजनामध्ये भूषण मधुकरराव फुसे, ओबीसी जनजागृती अभियानाचे संयोजक, यांनी महत्त्वपूर्ण भूमिका बजावली. ते एक सामाजिक कार्यकर्ता आहेत आणि सामाजिक व राजकीय बदल घडविण्याचे ध्येय त्यांच्या मनात आहे. त्यांनी सर्व ओबीसी संघटनांच्या सहयोगाने ही यात्रा यशस्वीपणे आयोजित केली. नागरिकांनी या यात्रेला जोरदार पाठिंबा दिला आणि शासनाकडून ओबीसींच्या हक्कांची जातिनिहाय जनगणना करण्याची मागणी केली.

या ओबीसी जनजागृती यात्रेने सामाजिक न्याय व हक्कांची जागरूकता वाढविली आहे. ओबीसी समाजाच्या शैक्षणिक, आर्थिक आणि सामाजिक स्थितीची खरी माहिती संकलित करणे आवश्यक आहे. ओबीसींची जातिनिहाय जनगणना हे एक महत्त्वाचे पाऊल आहे ज्यामुळे या समाजाच्या विकासाची दिशा ठरवता येईल.

या यात्रेमुळे ओबीसी समाजात जागरूकता वाढली आहे आणि त्यांच्या हक्कांची मागणी करणारे आवाज अधिक ठळक झाले आहेत. राजकारणाच्या मैदानात ओबीसींना त्यांच्या हक्कांकरिता उभे राहण्याची गरज आहे, जेणेकरून ते सशक्त होऊ शकतील. OBC Census

"गर्व से काहो हम ओबीसी है" या घोषवाक्याने ओबीसी समाजातील जागृतीचा नवा अध्याय सुरू केला आहे. ही यात्रा ओबीसी जनगणनेच्या मागणीसाठी एक महत्त्वपूर्ण पाऊल आहे, ज्यामुळे या समाजाचे हक्क आणि न्याय मिळविण्यासाठी आवाज उठविला जात आहे.

#OBCAwareness #SocialJustice #CensusDemand #Empowerment #Gondpipari #MaharashtraPolitics #Mahawani #MahawaniNews #MahawaniNewsHub #marathiNews #OBCAwareness #VeerPunekar #OBCCensus #SocialJustice #Empowerment #MaharashtraPolitics #Gondpipari #CasteBasedCensus #Maharashtra #YouthEngagement #CommunityAwareness #CensusForAll #CivicRights #OBCRights #PoliticalAwareness #SocialChange #JusticeForOBC #OBCUnity #CensusDemand #MaharashtraNews #Mahawani #MahawaniNews #MahawaniNewsHub #MarathiNews #CommunityEmpowerment #Equality #CasteSystem #SocialEquity #OBCVoices #Democracy #RightsAndJustice #OBCCensus