Mahawani News - Leading Coverage Across Maharashtra

प्रभावी नेतृत्वामुळे निवडणुकीत रंगतदार चुरस

बबन उरकुडे

राजुरा: विधानसभा निवडणुकीच्या रणधुमाळीत सर्वांना आश्चर्यचकित करत बबन उरकुडे यांनी अपक्ष उमेदवारीची घोषणा केली आहे. मागील १० वर्षां पेक्षा अधिक राजुरा परिसरात सेवा देणारे उरकुडे यांनी समाजसेवेपासून राजकारणात प्रवेश करत मजबूत जनसंपर्क साधला आहे. महाविकास आघाडीच्या तिकीटवाटपात निराशा पदरी पडली असली तरी, राजुरा आणि आसपासच्या गावांतील कार्यकर्त्यांच्या आग्रहामुळे त्यांनी अपक्ष उमेदवारी स्वीकारत निवडणूक लढवण्याचा निर्णय पक्का केला आहे. त्यांच्या प्रभावी नेतृत्वामुळे आणि जनाधारामुळे निवडणुकीतील चुरस प्रचंड वाढणार असल्याची चर्चा आहे. Rajura Assembly Election

उरकुडे हे नेहमीच सामाजिक आणि धार्मिक कार्यक्रमांत आघाडीवर राहिले आहेत. यंदाही त्यांनी दुर्गा उत्सव मोठ्या उत्साहात साजरा केला. या काळात राजकीय चर्चांना फारसे महत्त्व न देता त्यांनी उत्सवात स्वतःला गुंतवून ठेवले होते. मात्र, गावोगावच्या समर्थकांनी त्यांच्यावर विधानसभेसाठी उमेदवारी घेण्याचा दबाव आणला. अखेर समर्थकांच्या प्रेमापोटी त्यांनी अपक्ष उमेदवारी दाखल करण्याचा निर्णय घेतला.

बबन उरकुडे यांनी त्यांच्या घरी झालेल्या भेटीत महावाणी न्यूजला सांगितले आहे कि, २७ ऑक्टोबर रोजी भवानी मंदिर, राजुरा येथून भव्य रॅली काढून तहसील कार्यालयात अर्ज दाखल करतील. रॅलीत हजारोंच्या संख्येने समर्थक सहभागी होणार आहे. आणि त्यांच्या उमेदवारीमुळे निवडणुकीत एक नवीन ऊर्जा येणार असल्याचेही त्यांनी सांगितले आहे.

                                                                        

उरकुडे यांचा राजकीय प्रवास शिवसेना (ठाकरे गट) पक्षात जिल्हा उपाध्यक्ष म्हणून सुरू झाला. पक्षासाठी निष्ठेने काम करत त्यांनी ग्रामीण पातळीवर मोठा जनाधार तयार केला आहे. सध्या त्यांच्याशी संलग्न तीन सरपंच आणि चार उपसरपंच यांची ग्रामपंचायती आहेत, ज्या त्यांनी आपल्या प्रभावी नेतृत्वातून जिंकल्या आहेत. त्यांच्या नेतृत्वाखाली विविध गावांतील समस्या प्रभावीपणे सोडवण्यात आल्या आहेत, ज्यामुळे त्यांना मतदारांमध्ये प्रचंड लोकप्रियता मिळाली आहे.

त्यांची आक्रमक राजकीय शैली आणि लोकांशी थेट संवाद साधण्याची पद्धत यामुळे मतदारांवर त्यांचा ठसा उमटलेला आहे. विधानसभा निवडणुकीत त्यांच्या उमेदवारीमुळे मतविभाजन होण्याची भीती सर्व पक्षांना आहे.

उरकुडे यांनी प्रचार मोहिमेसाठी एक धडक कार्यक्रम आखला आहे. उर्वरित काळात ते राजुरा विधानसभा क्षेत्रातील सर्व गावांत जाऊन थेट संवाद साधणार आहेत. इतक्या कमी वेळात सर्व मतदारांपर्यंत पोहोचणे आव्हानात्मक असले तरी, त्यांनी आत्मविश्वास व्यक्त केला आहे की मतदारांचा पाठिंबा त्यांना मिळेल. त्यांच्या प्रचाराच्या तयारीत कार्यकर्ते आणि पदाधिकारी पूर्ण जोमाने उतरले असून संपूर्ण राजुरा मतदारसंघात उत्साहाचे वातावरण पसरले आहे.

उरकुडे यांच्या आगमनामुळे विधानसभा निवडणुकीतील समीकरणे बदलणार आहेत. आजी-माजी आमदार आणि प्रस्थापित नेत्यांना टक्कर देण्यासाठी त्यांची उमेदवारी निर्णायक ठरणार आहे. त्यांच्यामुळे मतविभाजन होऊन इतर उमेदवारांसाठी कठीण परिस्थिती निर्माण होऊ शकते. Rajura Assembly Election

बबन उरकुडे यांच्या प्रवेशामुळे राजुरा विधानसभा निवडणूक अत्यंत चुरशीची होणार आहे. त्यांची प्रभावी राजकीय शैली, व्यापक जनसंपर्क, आणि मतदारांशी असलेले जवळचे नाते यामुळे ही निवडणूक रंगतदार ठरणार आहे. आगामी काळात त्यांची रॅली आणि प्रचार मोहिमेवर सर्वांचे लक्ष लागले आहे.

#RajuraElections #BabanUrkude #MaharashtraPolitics #RajuraAssembly #IndependentCandidate #PoliticalCampaign #Election2024 #RajuraRally #VidarbhaPolitics #Chandrapur #VeerPunekar #Mahawani #MahawaniNews #MahawaniNewsHub #RuralLeadership #ElectionExcitement #MahaVikasAghadi #RajuraDevelopment #VidarbhaTransformation #YouthSupport #PoliticalStrategies #RajuraCompetition #ElectionUpdates #GrassrootsLeadership #RajuraAssemblyElection