Mahawani News - Leading Coverage Across Maharashtra

राजुरा येथे २८ ऑक्टोबरला करणार नामांकन अर्ज दाखल; कार्यकर्त्यांमध्ये प्रचंड उत्साह

संग्रहित छायाचित्र

राजुरा: विधानसभा मतदारसंघाचे सर्वमान्य नेते आणि महाविकास आघाडीचे अधिकृत उमेदवार, लोकप्रिय आमदार सुभाषभाऊ धोटे येत्या सोमवार, २८ ऑक्टोबर रोजी आपला उमेदवारी अर्ज दाखल करणार आहेत. दोनदा विधानसभा निवडून आलेल्या आणि जनतेच्या प्रश्नांना सातत्याने विधानसभेत आवाज देणाऱ्या सुभाषभाऊ धोटे यांचा यंदाचा उमेदवारी अर्ज तिसऱ्यांदा ऐतिहासिक विजय मिळवण्याच्या दिशेने निर्णायक पाऊल ठरणार आहे. त्यांच्या उमेदवारीच्या घोषणा आणि अर्ज दाखल प्रक्रियेने महाविकास आघाडीतील कार्यकर्त्यांमध्ये मोठा उत्साह निर्माण केला आहे.

आमदार सुभाषभाऊ धोटे सोमवारी निवडणूक निर्णय अधिकारी, राजुरा यांच्या कार्यालयात आपला उमेदवारी अर्ज सादर करतील. अर्ज दाखल करण्यापूर्वी सकाळी भवानी माता मंदिरात दर्शन घेऊन त्यांनी विजयासाठी आशीर्वाद घेण्याचा मानस व्यक्त केला आहे. भवानी माता मंदिरातून निवडणूक निर्णय अधिकारी कार्यालयापर्यंत भव्य मिरवणूक काढण्यात येणार आहे, ज्यामध्ये शेकडो कार्यकर्ते आणि चाहत्यांचा सहभाग अपेक्षित आहे.

                                                  

राजुरा मतदारसंघातील काँग्रेस, राष्ट्रवादी (शरद पवार गट), शिवसेना (उद्धव ठाकरे गट) आणि इतर घटक पक्षांचे प्रमुख नेते अर्ज दाखल प्रक्रियेसाठी मोठ्या संख्येने उपस्थित राहणार आहेत. मिरवणुकीनंतर सम्राट सेलिब्रेशन हॉल, राजुरा येथे आमदार धोटे कार्यकर्त्यांशी संवाद साधतील. या कार्यक्रमासाठी मतदारसंघातील नागरिक, नेते, कार्यकर्ते आणि महाविकास आघाडीतील सर्व घटक पक्षांना सकाळी १० वाजता भवानी माता मंदिरात उपस्थित राहण्याचे आवाहन करण्यात आले आहे.

सुभाषभाऊ धोटे यांची ओळख केवळ लोकप्रिय आमदार म्हणून नव्हे, तर जनसामान्यांचे प्रश्न सातत्याने विधानसभेत मांडणाऱ्या संघर्षशील नेत्याची आहे. त्यांनी आतापर्यंत अनेक महत्त्वाचे प्रश्न विधानसभेत उचलले असून विकासकामे प्रभावीपणे राबवली आहेत. त्यांच्या या कार्यशैलीमुळे मतदारसंघातील नागरिकांना त्यांच्या नेतृत्वावर प्रचंड विश्वास आहे.

महाविकास आघाडीचा हा उमेदवारी अर्ज तिसऱ्यांदा सत्तेत येण्याचे पाऊल ठरणार असल्याची भावना कार्यकर्त्यांमध्ये आहे. या प्रक्रियेद्वारे राजुरा मतदारसंघातील राजकीय वातावरण आणखी तापले असून सर्व घटक पक्षांनी एकत्र येऊन विजय निश्चित करण्याचा निर्धार केला आहे.

#Mahawani #veerpunekar #Chandrapur #rajura #korpana #MahawaniNews #MarathiNews #MaharashtraPolitics #RajuraElection #SubhashDhote #MVACandidate #MaharashtraAssembly2024 #PoliticalRally #CongressMVA #ShivSenaUBT #NCPSharadPawar #BhavaniMataRajura #ElectionNomination #PopularLeader #RajuraConstituency #MVAAlliance #PublicSupport #PoliticalCampaign #ThirdTermVictory #ChandrapurDistrict #PoliticalEvent #AssemblyElections #MaharashtraLeaders #CongressCampaign #LocalPolitics #GrandProcession #SubhashDhoteSupporters #MaharashtraVotes #ElectoralBattle #MVAUnity #VeerPunekarNews #RajuraUpdates #ChandrapurNews #VoterEngagement #MaharashtraDevelopment #ElectionAnnouncement #LeadershipJourney #PoliticalAwareness #ElectionFever #SocialHarmony #People’sLeader #RajuraAssembly #SubhashDhote #electionnomination #MVAcandidate