Mahawani News - Leading Coverage Across Maharashtra

आरोग्यसेवा उंचावण्यासाठी सातत्याने पाठपुरावा करत राहील – आ. सुभाष धोटे

उपजिल्हा रुग्णालय, राजुरा

राजुरा : विधानसभा क्षेत्रातील गोरगरीब, आदिवासी आणि दुर्गम भागातील नागरिकांना आज मोठा दिलासा मिळाला. उपजिल्हा रुग्णालय, राजुरा येथे १३ ऑक्टोबर रोजी अत्याधुनिक सीटी स्कॅन तपासणी केंद्राचे मोफत सेवा केंद्र सुरू झाले असून, या केंद्राचे उद्घाटन आमदार सुभाष धोटे यांच्या हस्ते संपन्न झाले. या केंद्रामुळे आता खाजगी रुग्णालयात मोठा खर्च न करता रुग्णांना त्वरित तपासणी सेवा मिळणार आहे. Rajura healthcare initiative

आदिवासीबहुल आणि दुर्गम भागांतील नागरिकांना वैद्यकीय उपचारासाठी मोठ्या अडचणींना सामोरे जावे लागत होते. सीटी स्कॅनसाठी कोट्यवधी रुपये मोजावे लागत असल्याने अनेक गरजू रुग्णांना योग्य निदान मिळत नव्हते. या समस्येवर कायमस्वरूपी तोडगा काढण्यासाठी आ. सुभाष धोटे यांनी राज्य आरोग्य विभागाशी सातत्याने पाठपुरावा करत २ कोटी ५० लाख रुपयांचा निधी मंजूर करून घेतला. राजुरा उपजिल्हा रुग्णालयातील हा मोफत तपासणी केंद्र आता रुग्णांसाठी खुला करण्यात आला आहे.

उद्घाटन सोहळ्यादरम्यान आ. सुभाष धोटे म्हणाले, “२०१३ साली उपजिल्हा रुग्णालयाच्या जागेसाठी ९८ आर जागेचा सातबारा मंजूर करून येथील रुग्णालयाचे श्रेणीवाढीचे काम सुरू केले. त्यानंतर १०० खाटांचे वर्धित रुग्णालय मंजूर करण्यात आले, ज्याचे लोकार्पण १३ मार्च २०२३ रोजी पार पडले. कोरोना काळात रुग्णांना प्राणवायूचा तुटवडा भासू नये म्हणून १ कोटी रुपयांचा ऑक्सिजन प्लांट मंजूर केला आणि कार्यान्वित केला. या कामांमधून जनतेच्या आरोग्यविषयक गरजा पूर्ण करण्यावर आमचा भर आहे.”

ते पुढे म्हणाले, "प्रशस्त मॉड्युलर ऑपरेशन थिएटर, सोनोग्राफी, आधुनिक एक्स-रे यंत्रणा यांसारख्या अत्याधुनिक वैद्यकीय सुविधा या रुग्णालयात आधीच उपलब्ध आहेत. आता पाच बेडचे डायलिसिस युनिट लवकरच सुरू होणार आहे. ही सर्व प्रकल्पे माझ्या अथक प्रयत्नांचे फळ आहेत."

नव्या सीटी स्कॅन केंद्रामुळे आउट पेशंट डिपार्टमेंट (OPD) आणि आयपीडी रुग्णांची (IPD) मोफत तपासणी होणार आहे. यामुळे रुग्णांना निदानासाठी खाजगी रुग्णालयांचा आधार घेण्याची गरज भासणार नाही. उपजिल्हा रुग्णालयातील या सुविधेमुळे राजुरा, कोरपना, जिवती, गोंडपिपरी या भागातील रुग्णांना मोठा दिलासा मिळणार आहे. आर्थिक दुर्बल घटकांना चांगल्या आरोग्यसेवा मिळवून देण्यासाठी हा मोठा पाऊस आहे, असे आ. सुभाष धोटे यांनी यावेळी स्पष्ट केले.

कार्यक्रमाच्या उद्घाटन सोहळ्याला माजी नगराध्यक्ष अरुण धोटे, तालुकाध्यक्ष रंजन लांडे, माजी उपनगराध्यक्ष सुनील देशपांडे तसेच रुग्णालयाचे वैद्यकीय अधीक्षक डॉ. अशोक जाधव, डॉ. कपिल देशमुख, डॉ. परिमल सावंत यांच्यासह अनेक प्रतिष्ठित मान्यवर उपस्थित होते.

कार्यक्रमाचे प्रास्ताविक डॉ. परिमल सावंत यांनी केले, तर पॅथॉलॉजी टेक्निशियन निवलकर यांनी उत्कृष्टरीत्या संचालन केले. कार्यक्रमाचा समारोप डॉ. अशोक जाधव यांच्या आभार प्रदर्शनाने झाला.

राजुरा रुग्णालयातील या सुविधा ग्रामीण व आदिवासी भागातील आरोग्यविषयक समस्यांवर प्रभावी तोडगा ठरणार आहेत. प्रगत निदान यंत्रणेमुळे वेळेवर उपचार होऊन गंभीर आजारांचे निदान होणार आहे. "प्रत्येक नागरिकाला अत्याधुनिक आरोग्यसेवा मिळावी, हे माझे ध्येय असून, आरोग्य सेवा सुधारण्यासाठी मी सातत्याने प्रयत्नशील राहणार आहे," असे आ. सुभाष धोटे यांनी सांगितले. Rajura healthcare initiative

राजुरा उपजिल्हा रुग्णालयातील मोफत सीटी स्कॅन केंद्राची स्थापना हा वैद्यकीय सुविधांतील महत्त्वाचा टप्पा आहे. यामुळे रुग्णांना जलद निदान मिळून गंभीर आजार टाळता येतील. राजकीय नेतृत्वाच्या अथक प्रयत्नांमुळे ग्रामीण आणि आदिवासी भागांतील आरोग्य सेवा उंचावणार आहेत. यापुढेही अशा अत्याधुनिक वैद्यकीय सुविधांसाठी सातत्याने पाठपुरावा केला जाणार असल्याचे आ. धोटे यांनी सांगितले.

#Mahawani #veerpunekar #Chandrapur #rajura #korpana #MahawaniNews #CTScan #RajuraHealthcare #ChandrapurHealth #FreeMedicalServices #HealthcareForAll #SubhashDhote #AdvancedDiagnostics #MaharashtraNews #PublicHealth #RuralHealth #MedicalFacilities #TribalWelfare #SubDistrictHospital #HealthCareInitiatives #ModernHealthcare #CTScanFacility #AffordableHealthcare #ChandrapurUpdates #RajuraNews