Mahawani News - Leading Coverage Across Maharashtra

तीन अज्ञातांनी लुटले वेकोलि कर्मचाऱ्याला; नागरिकांत भीतीचे वातावरण

राजुरा | तालुक्यातील गोवरी कॉलनी परिसरात दिनांक २६ डिसेंबर २०२४ रोजी, दुपारी तीनच्या सुमारास, वेस्टर्न कोलफील्ड्स लिमिटेड (WCL) कर्मचारी श्री. रामअचल बित्तन गौतम Ramachal Bittan Gautam (वय ५२) यांच्यावर तीन अज्ञात इसमांनी हल्ला करून लुटीचा धक्कादायक प्रकार घडवला. गौतम हे आपल्या कर्तव्यावरून घरी परतत असताना चेहऱ्यावर कापड बांधलेल्या तीन इसमांनी त्यांचा दुचाकी वाहनाला अडवून, जबरदस्तीने मारहाण करत, त्यांचा ₹१८,००० किमतीचा मोबाईल व रोख रक्कम लुटली.

या घटनेमुळे परिसरात भीतीचे वातावरण निर्माण झाले आहे. सदर भागातून रोज मोठ्या संख्येने विद्यार्थी, शेतकरी, आणि नोकरवर्ग, दुध विक्रेते प्रवास करत असल्याने नागरिकांमध्ये असुरक्षिततेची भावना बळावली आहे. जंगलालगत असलेल्या या परिसरात चोरी आणि लुटीच्या घटना वारंवार घडत असल्याचा नागरिकांचा आरोप आहे. स्थानिक नागरिकांच्या म्हणण्यानुसार, सदर भागातील पाणटपर्या चोरट्यांचा अड्डा बनला आहे. चोरी करणारे टोळके याच ठिकाणी विश्रांती घेतात व पुढील गुन्ह्यांची योजना आखतात. टपर्याभोवती असलेल्या जंगलाचा फायदा घेत चोरटे या परिसरातून पळून जाण्यास यशस्वी ठरतात.

     

या घटनेमुळे स्थानिक नागरिकांमध्ये प्रचंड संताप आहे. परिसरात पोलीस गस्त वाढवणे, अचानक छापे मारणे, तसेच संशयास्पद हालचालींवर लक्ष ठेवण्याची मागणी जोर धरत आहे. याशिवाय, परिसरातील रस्त्यांवर सीसीटीव्ही कॅमेरे बसवण्याचे तसेच वन विभागाने जंगलातील हालचालींवर लक्ष ठेवण्याचे आदेश देण्याची गरज आहे. पोलिसांनी घटनेचा तपास सुरू केला आहे. अज्ञात इसमांविरुद्ध तक्रार दाखल करण्यात आली असून, त्यांच्यावर भारतीय दंड संहिता (IPC) ३९२ (लुटीचा गुन्हा) व ३२३ (मारहाणीचा गुन्हा) अंतर्गत गुन्हा नोंदवण्यात आला आहे.

या घटनेने प्रशासनासमोर अनेक गंभीर प्रश्न उभे केले असून अशा घटनांना आळा घालण्यासाठी:

• १. पोलिसांची तातडीने गस्त वाढवणे आणि दुर्गम भागात पेट्रोलिंग करणे.
• २. स्थानिक नागरिकांचा सहभाग घेऊन दक्षता समित्या स्थापन करणे.
• ३. महत्त्वाच्या ठिकाणी सीसीटीव्ही कॅमेरे बसवणे.
• ४. जंगल परिसरात चोरट्यांच्या हालचालींवर लक्ष ठेवण्यासाठी वन विभागाने कडक उपाययोजना राबवणे.

सदर घटना केवळ एका व्यक्तीपुरती मर्यादित नाही, तर ती संपूर्ण परिसराच्या सुरक्षिततेवर प्रश्नचिन्ह उपस्थित करते. प्रशासनाने तातडीने कठोर पावले उचलून नागरिकांचा विश्वास परत मिळवणे अत्यावश्यक आहे. गोवरी कॉलनी परिसरातील घटना प्रशासनासाठी जागृत करणारी आहे. स्थानिक प्रशासनाने आणि पोलिसांनी नागरिकांच्या सुरक्षेसाठी तत्काळ पावले उचलावीत. संशयित ठिकाणांची चौकशी आणि सीसीटीव्ही यंत्रणा यामुळे अशा घटनांना मोठ्या प्रमाणावर आळा घालता येईल.

#Mahawani #MahawaniNews #MahawaniNewsHub #RajuraNews #GowariColonyRobbery #WCLIncident #CrimeNews #MarathiNews #VeerPunekar #RajuraSafety #LocalCrimeUpdate #MaharashtraNews #PoliceInvestigation #CitizenSafety #PublicOutrage #ForestCrime #ChorTolaRajura #PoliceActionRajura #RobberyCase #LocalNewsUpdate #RajuraIncident #CrimePrevention #SecurityConcerns #CCTVInstallation #WCLWorkerAssault #ForestAreaCrime #PublicSafety #GowariColonyIncident #RajuraResidents #LocalFears #ImmediateActionNeeded #RobberyAlert #LocalAdministration #CitizenDemands #PublicSecurity #PolicePatrolling #LocalSafetyMeasures #ForestAreaSecurity #CrimeAwareness #RajuraPoliceAction #CrimeReport #LocalSecurity #LocalCrimeWatch #ForestCrimeAlert #CommunitySafety #RajuraNewsUpdate #WCLWorkerRobbery #PublicSecurityMeasures #MahawaniExclusive