.png)
वरिष्ठ अधिकाऱ्यांचे दुर्लक्ष आणि गैरव्यवहाराचा आरोप
राजुरा: महाराष्ट्र शासनाच्या जलसंपदा विभागामार्फत अमलनाला प्रकल्प येथे पर्यटन विकास कार्यक्रमांतर्गत करमणूक केंद्र व पर्यटन विकास बगीच्याचा २ जुलै २०२१ रोजी भूमिपूजन करण्यात आले. या प्रकल्पासाठी जवळपास सात कोटी रुपये खर्चून बगीचा तयार करण्यात आला असून, त्याचे सौंदर्यीकरण अद्याप सुरू आहे. पर्यटकांकडून वीस रुपये प्रवेश शुल्क आकारले जात असले, तरी येथे मूलभूत सुविधांची पूर्णतः वानवा असल्याचे स्पष्ट दिसते.
प्रवेश शुल्क पावतीसाठी वापरली जाणारी मशीन मागील आठवड्याभरापासून खराब असून, कोरी प्रिंट स्लिप्स काढून त्यावर हाताने नोंदणी केली जात आहे. यामुळे शुल्क वसुलीतील पारदर्शकतेवर प्रश्नचिन्ह उपस्थित झाले आहे. शिवाय, शौचालयाचे काम अत्यंत निकृष्ट दर्जाचे असून, त्याची दारे व्यवस्थित उघडत नसल्याने पर्यटकांना नाहक त्रास सहन करावा लागत आहे.
कचऱ्याचे साम्राज्य आणि प्रशासनाचा हलगर्जीपणा
परिसरात जागोजागी कचऱ्याचे साम्राज्य पसरले आहे. कचरा पेट्यांचा अभाव आणि नियमित साफसफाईचा अभाव यामुळे पर्यटकांमध्ये नाराजी व्यक्त होत आहे. स्थानिक नागरिक आणि पर्यटकांचा आरोप आहे की, कंत्राटदाराने या निधीचा गैरवापर केला असून, पाटबंधारे विभागाने या प्रकाराकडे दुर्लक्ष केले आहे.
गैरव्यवहाराचा आरोप आणि नागरिकांचा संताप
नुकतीच नैसर्गिक पर्यावरण संवर्धन व मानवता विकास संस्थेचे महाराष्ट्र राज्य अध्यक्ष बादल बेले यांनी या बगीच्याला भेट दिली. त्यांच्या निरीक्षणानुसार, निधीचा मोठ्या प्रमाणात अपव्यय झाला असून, अधिकाऱ्यांच्या हलगर्जीपणामुळे कंत्राटदार मनमानी करत असल्याचे दिसून आले. मूलभूत सुविधांचा अभाव असून, तरीही प्रवेश शुल्क आणि इतर सेवांसाठी सहाशे ते सातशे रुपये आकारले जात असल्यावर त्यांनी आक्षेप नोंदवला.
चौकशीची मागणी
या परिस्थितीत बादल बेले यांनी जिल्हाधिकारी आणि पाटबंधारे विभागाकडे लेखी तक्रार दाखल करून या प्रकल्पाची सखोल चौकशी करण्याची मागणी केली आहे. त्यांनी हे प्रकरण जलसंपदा विभागाच्या वरिष्ठ पातळीवर नेण्याचा इशारा दिला आहे.
पर्यटकांचे प्रश्न अनुत्तरीत
या बगीच्यातील गैरसोयींमुळे येणाऱ्या पर्यटकांना अनेक प्रश्न पडत आहेत. "कोट्यवधी रुपये खर्च करूनही सोयीसुविधा का नाहीत? कंत्राटदार आणि अधिकाऱ्यांमध्ये आर्थिक साटेलोटे आहे का?" असे प्रश्न उपस्थित होत आहेत. शासनाने या प्रकरणाची गंभीर दखल घेऊन योग्य ती कारवाई करावी, अशी मागणी सर्व स्तरांतून होत आहे.
#Mahawani #MahawaniNews #MahawaniNewsHub #MarathiNews #VeerPunekar #Rajura #Chandrapur #TourismScam #GovernmentNegligence #Amalnala #ContractorFraud #DevelopmentIssues #WasteManagement #PublicInconvenience #TourismProblems #EnvironmentalConcerns #PublicQuestions #CitizenRights #TourismNews #RajuraTourism #TourismAbuse #Negligence #AmalnalaProject #BadalBele #ChandrapurUpdates #InfrastructureFlaws #TourismMaharashtra #PublicSafety #TouristComplaints #AmalnalaTourism #FundsMisuse #RajuraUpdates #TourismSpotIssues #Accountability #ChandrapurTourism #AmalnalaProblems #Corruption #ChandrapurTourismNews #LocalNews #AmalnalaTourismSpot #TourismWoes #VeerPunekarNews
.png)
