Mahawani News - Leading Coverage Across Maharashtra

देवाडा प्राथमिक आरोग्य केंद्रातील डॉक्टरांवर कारवाईची मागणी

प्राथमिक आरोग्य केंद्रातील सेवांचा अभाव जनतेसाठी ठरतोय घातक

राजुरा | देवाडा प्राथमिक आरोग्य केंद्रातील सेवांमधील अक्षम्य हलगर्जीपणामुळे एका अपघातग्रस्त रुग्णाच्या जीवाला गंभीर धोका निर्माण झाला आहे. Atam Kanthiram Rathod आतम कंठीराम राठोड, या तरुणाचा १० जानेवारी २०२४ रोजी संध्याकाळी ७ वाजता अपघात झाला. गंभीर अवस्थेत त्याला प्राथमिक उपचारांसाठी देवाडा प्राथमिक आरोग्य केंद्रात दाखल करण्यात आले. मात्र, केंद्रातील डॉक्टरांनी रुग्णवाहिका उपलब्ध करून देण्यास टाळाटाळ केली, त्यामुळे रुग्णाला नातेवाईकांना ‘छोटा हत्ती’ वाहनात ठेवून पुढील उपचारांसाठी राजुराला नेणे भाग पडले. अपघातग्रस्त रुग्ण गंभीर जखमी असल्याचे डॉक्टरांनी सांगूनही, देवाडा Devada प्राथमिक आरोग्य केंद्रात उपलब्ध असलेल्या दोन रुग्णवाहिकांपैकी एकही रुग्णवाहिका रुग्णाला दिली गेली नाही. ही घटना डॉक्टरांच्या कर्तव्यच्युतीची लाजीरवाणी उदाहरण असून, वेळेवर उपचार न मिळाल्यामुळे रुग्णाच्या प्रकृतीवर गंभीर परिणाम झाला. रुग्णाला राजुरा येथील प्राथमिक उपचारांनंतर चंद्रपूरला हलवण्यात आले.

रुग्णांच्या जीवाशी खेळ; स्थानकात संतापाची लाट

ग्रामीण भागातील प्राथमिक आरोग्य केंद्रे ही सर्वसामान्य नागरिकांसाठी जीवदायिनी ठरणे अपेक्षित आहे. मात्र, देवाडा प्राथमिक आरोग्य केंद्रातील डॉक्टरांच्या हलगर्जीपणामुळे रुग्णाचे आयुष्य धोक्यात आले आहे. ही घटना समोर येताच स्थानिक नागरिकांमध्ये तीव्र संताप उसळला आहे. डॉक्टरांच्या अशा बेजबाबदार वर्तनामुळे जर रुग्णाच्या जीवाला धोका पोहोचला असता, तर त्याला जबाबदार कोण, हा प्रश्न विचारला जात आहे. "आमच्या गावातील डॉक्टर जर रुग्णवाहिकेची सोय करू शकत नसतील, तर ही सुविधा असण्याचा उपयोग तरी काय?" असा सवाल ग्रामस्थांनी केला आहे.

     

रुग्णवाहिका असूनही वापरण्यास नकार: नैतिकतेवर प्रश्नचिन्ह

प्राथमिक आरोग्य केंद्रात दोन रुग्णवाहिका असतानाही त्या उपलब्ध करून न देणे ही आरोग्यसेवकांच्या नैतिकतेवर गंभीर शंका निर्माण करणारी बाब आहे. अशा तांत्रिक व वैद्यकीय बाबींकडे दुर्लक्ष करणाऱ्या आरोग्य यंत्रणेवर कडक कारवाईची मागणी होत आहे.

नातेवाईकांची मागणी: डॉक्टरांना निलंबित करा

रुग्णाच्या नातेवाईकांनी डॉक्टरांच्या हलगर्जीपणामुळे त्यांच्या प्रियजनाच्या जीवाला धोका झाल्याचा आरोप करत, संबंधित डॉक्टरांवर कठोर कारवाईची मागणी केली आहे. या घटनेनंतर देवाडा प्राथमिक आरोग्य केंद्राच्या कार्यपद्धतीवरही गंभीर प्रश्न उभे राहिले आहेत. "प्रशासनाकडून इतक्या सुविधा पुरवल्या जात असताना, डॉक्टरांच्या निष्काळजीपणामुळे त्या सर्वांचा उपयोग का होत नाही?" असा सवाल उपस्थित होत आहे.

तत्काळ कारवाई न झाल्यास आंदोलनाचा इशारा

या घटनेनंतर गावकऱ्यांनी तसेच सामाजिक कार्यकर्त्यांनी डॉक्टरांविरोधात कारवाईची मागणी केली आहे. "जर संबंधित डॉक्टरांवर तात्काळ कठोर पावले उचलली गेली नाहीत, तर आम्ही आंदोलन करू," असा इशारा स्थानिकांनी दिला आहे.

आरोग्य विभागासाठी इशारा

या घटनेने आरोग्य सेवांबाबतच्या प्रशासनाच्या धोरणांवरही प्रश्नचिन्ह उपस्थित केले आहे. ग्रामीण भागातील आरोग्य सेवांची दर्जाहीनता उघड होत असून, भविष्यात अशा घटना टाळण्यासाठी कठोर उपाययोजना करण्याची गरज आहे. आरोग्य सेवांमध्ये सुधारणा करणे ही सरकारची प्राथमिकता असली पाहिजे. देवाडा प्राथमिक आरोग्य केंद्रातील या प्रकाराने प्रशासनाची विश्वासार्हता धोक्यात आणली आहे. संबंधित डॉक्टरांवर तातडीने कारवाई करून या प्रकरणाचा योग्य तो निर्णय व्हावा, अशी मागणी सर्व स्तरांतून होत आहे. या घटनेतून प्रशासनाला धडा घेऊन, प्राथमिक आरोग्य केंद्रातील सेवांचे दर्जा सुधारण्यासाठी कठोर उपाययोजना करावी लागणार आहे. अन्यथा, ग्रामीण भागातील नागरिकांचे आरोग्य धोरणांवरचे विश्वास उडण्याचा धोका आहे.

प्राथमिक आरोग्य केंद्र, देवाडा येथे अपघातग्रस्त रुग्णासाठी रुग्णवाहिका उपलब्ध करून दिली नाही हा गैरसमज आहे. प्राथमिक आरोग्य केंद्रात त्या वेळी दोन रुग्णवाहिका उपलब्ध होत्या. मात्र, एक रुग्णवाहिका आपत्कालीन सेवा १०८ साठी नियुक्त होती, जी प्राथमिक आरोग्य केंद्राच्या कार्यक्षेत्रात येत नाही. दुसऱ्या रुग्णवाहिकेचा चालक जेवणाचा डब्बा घेण्या करीता राजुरा येथे गेला होता. परिस्थितीची गंभीरता ओळखून आम्ही तत्काळ दुसऱ्या वाहनचालकाला बोलावले होते, तोपर्यंत रुग्णाच्या नातेवाईकांनी स्वतःच दुसऱ्या वाहनाने रुग्णाला उपजिल्हा रुग्णालय, राजुरा येथे हलवले. त्यामुळे प्राथमिक आरोग्य केंद्राच्या सेवेत कोणतेही दुर्लक्ष झाले नसून हा केवळ गैरसमज आहे. - तालुका आरोग्य अधिकारी श्री. प्रकाश नगराळे

#RajuraNews #RuralHealthCrisis #DevadaPHC #MedicalNegligence #DoctorSuspensionDemand #HealthcareInjustice #ChandrapurNews #PatientNeglect #AmbulanceMisuse #PublicHealthCrisis #AccountabilityInHealthcare #RuralIndiaIssues #HealthcareFailure #RajuraUpdate #DoctorNegligence #MedicalEmergency #PatientRights #RuralAmbulanceServices #HealthSystemReform #PatientSafety #DoctorAccountability #HealthcareAwareness #PublicOutcry #MedicalServicesIndia #AmbulanceMismanagement #RajuraPHCScandal #ChandrapurUpdates #JusticeForPatients #DoctorNegligenceIndia #HealthCrisisIndia #HealthcareResponsibility #MedicalEthicsIndia #RajuraHealthcare #PatientAdvocacy #AmbulanceIssueIndia #HealthRightsIndia #HealthcareAccountability #DevadaPHCIncident #ChandrapurHealthUpdate #HealthcareNeglect #RuralHealthcareChallenges #DoctorAccountabilityIndia #PatientJusticeCampaign #MedicalNeglectCase #RuralHealthAwareness #HealthReformDemand #RajuraIncident #MedicalNegligenceRajura #Taluka-Health-Officer-Mr.-Prakash-Nagarale